Frumvarp Kristjáns Þórs Júlíussonar, sjávarútvegs- og landbúnaðarráðherra, um kvótasetningu grásleppuveiða var dreift á Alþingi í gær. Frumvarpinu fylgir einnig kvótasetning veiða á sandkola og sæbjúgum.

Nái frumvarpið fram að ganga verða grásleppuveiðar skipulagðar með sama hætti og veiðar annarra tegunda í gegnum kvótakerfi en veiðarnar hafa til þessa hefur verið stjórnað með útgefnum veiðidögum. Þá er gert ráð fyrir að hver grásleppuveiðileyfishafi fái útgefinn kvóta á grundveilli veiða undanfarinna ára.

Þá er gert ráð fyrir í frumvarpinu að sett verður hámarks aflahlutdeild í tegundinni og mun hún nema 2% af heildaraflamarki.

Frétt af mbl.is

Telur mikla kosti við kvótasetningu grásleppuveiða

Miklar deilur hafa verið um kvótasetningu meðal smábátaútgerðarmanna, en meirihluti þeirra sem stunda grásleppuveiðar eru hlynntir kvótasetningu á meðan aðrar smábátaútgerðir, svo sem strandveiðisjómenn, eru mótfallnir þessum hugmyndum. Hart var tekist á um málið á aðalfundi Landssamband Smábátaeigenda.

Einnig sandkoli og hryggleysingjar

Samhliða kvótasetningu grásleppuveiða leggur ríkisstjórnin einnig til í frumvarpi sínu að útgefið verður aflamark fyrir sandkola. Þá segir í greinargerð að um langt skeið hafi Hafrannsóknastofnun hafi aðeins lagt til aflamark á afmörkuðu svæði „þar sem beinar veiðar á sandkola voru ekki stundaðar utan þess. Frá árinu 2016 hefur ráðgjöfin gilt fyrir Íslandsmið.“

Jafnframt leggur ríkisstjórnin til að kvótasetning verði komið á vegna veiða á hryggleysingjum og er í greinargerð bent á aukinn áhuga á ígulkerum og sæbjúgum. Þá hafi sóknin verið slík að heildarafli sæbjúgna hafi verið umfram veiðiráðgjöf undanfarin fiskveiðiár og að veiðar hafa verið stöðvaðar áður en veiðitímabili lýkur.

Áhuginn á sæbjúgum hefur aukist mikið undanfarin ár. mbl.is/Albert Kemp

„Vegna endurskoðunar ráðgjafar er útlit fyrir að afli á næsta fiskveiðiári verði allt að 60% minni en fyrir tveimur árum. Þetta er óheppilegt, leiðir til kapphlaups um veiðarnar, verri umgengni um afla og skaðar verðmætasköpun í vinnslu og markaðsstarfi. Léleg afkoma mun vera af veiðunum. Hefur þetta raunar leitt útgerðir skipa á þessum veiðum til að leita gagnkvæmra samninga sín á milli um skiptingu veiðimagns,“ segir í greinargerðinni.

Þá sé ljóst að þurfi almenna heimild í lögum til úthlutunar svæðisbundinna aflaheimilda fyrir stofna hryggleysingja.

Frétt af mbl.is

„Stofnar lífsviðurværi tuga manns í hættu“

Tengdar fréttir

Grásleppuveiðar

Sakar Þórarinn Inga um brot á siðareglum

• Álag á starfsfólki vegna grásleppukvóta
• Þó nokkur munur á kvóta og fjölda báta
• Þrjár útgerðir umfram hámark í grásleppu
• Yfir 100 skip fá ekki grásleppukvóta

» Fleiri tengdar fréttir

• Blogga um frétt