Áhöfn og skip ekki í hættu

Áhöfn Lagarfoss vann í gær án árangurs að viðgerð á vél skipsins eftir að það varð vélarvana, um 230 sjómílur suðvestur af Garðskaga. Í kjölfar þess að ljóst var að ekki tækist að koma vélum skipsins í gang á ný var ákveðið að óska eftir aðstoð Landhelgisgæslunnar og er varðskipið Þór nýlagt af stað til að draga skipið til lands.

Frétt af mbl.is

Lagarfoss vélarvana og verður dreginn í höfn

Edda Rut Björnsdóttir, framkvæmdastjóri mannauðs og samskipta hjá Eimskip, segir við mbl.is að mjög gott veður sé á staðnum og áhöfn og skipi stafi ekki hætta af aðstæðum. Gert er ráð fyrir að Þór komi að Lagarfossi snemma á morgun, en að heimferðin verði svo um tveir dagar.

Edda segir veðurspána líta vel út og bjartsýni um að komið verði til hafnar fyrir áramót.

• Blogga um frétt