Baldvin tekur við útgerð Samherja í Evrópu

Ákveðið hef­ur verið að Bald­vin Þor­steins­son leiði út­gerðar­starf­semi Sam­herja í Evr­ópu. Hann tek­ur við af Har­aldi Grét­ars­syni sem hef­ur starfað fyr­ir Sam­herja og tengd fé­lög í tæp­lega þrjá ára­tugi.

Har­ald­ur mun láta af stjórn­un­ar­starfi sínu hjá Evr­ópu­út­gerð Sam­herja Hold­ing ehf. í byrj­un apríl en hann hef­ur starfað hjá Sam­herja og tengd­um fé­lög­um frá 1992, að því er fram kem­ur á vef Sam­herja.

Þar seg­ir að Bald­vin taki við starfi Har­ald­ar og mun hann vera með aðset­ur í Hollandi. „Sam­hliða þessu verða gerðar eðli­leg­ar skipu­lags­breyt­ing­ar á næstu miss­er­um.“ Bald­vin er einn aðal­eig­enda Sam­herja Íslands ehf. og son­ur stofn­enda sam­steyp­unn­ar og for­stjóra henn­ar, Þor­steins Más Bald­vins­son­ar.

Frétt af mbl.is

Hafa fram­selt 84,5% hlut í Sam­herja

Har­ald­ur, sem hef­ur gegnt stöðu fram­kvæmda­stjóra Deutsche Fischfang Uni­on (DFFU) í Cuxhaven og setið í stjórn­um ým­issa fé­laga, mun til árs­loka veita fé­lög­um Sam­herja ráðgjöf.

Hann hef­ur verið einn af burðarás­um í rekstri Sam­herja Hold­ing um langt skeið, að sögn Þor­steins Más Bald­vins­son­ar. Har­ald­ur hafi borið ábyrgð á Evr­ópu­út­gerð fé­lags­ins og um leið því flókna reglu­verki og þeim viðamiklu sam­skipt­um sem fylgja sjáv­ar­út­veg­in­um í Evr­ópu.

Har­ald­ur Grét­ars­son ásamt eig­in­konu sinni Hörpu Ágústs­dótt­ur. Ljós­mynd/​Sam­herji

„Þegar við flutt­um til Skot­lands í lok síðustu ald­ar og hóf­um að starfa fyr­ir Onw­ard Fis­hing í Aber­deen þá óraði okk­ur ekki fyr­ir hvaða ferðalag við átt­um fyr­ir hönd­um. Á þessu ferðalagi höf­um við kynnst mörgu góðu fólki og mjög öfl­ug­um sam­starfs­mönn­um sem hafa í sam­ein­ingu stuðlað að þeim frá­bæra ár­angri sem náðst hef­ur á þess­um tíma. Fyr­ir það vilj­um við þakka og óska sam­starfs­fólki okk­ar alls hins besta um ókomna framtíð,“ er haft eft­ir Har­aldi á vef Sam­herja.

• Blogga um frétt