Sveinn Geir Arnarsson, skipstjóri á Júlíusi Geirmundssyni, játaði sök í Héraðsdómi Vesturlands fyrir brot á sjómannalögum þegar ákæra á hendur honum var þingfest í dag. Var hann sviptur skipstjórnarréttindum til fjögurra mánaða og gert að greiða 750 þúsund krónur í sekt, með dómsátt.

Þetta staðfestir Karl Ingi Vilbergsson, lögreglustjóri á Vestfjörðum, í samtali við mbl.is og segir að málinu sé þar með lokið.

Hópsýking kom upp í skipinu í október og sýktust 22 af 25 úr áhöfn af Covid-19, þar af sumir alvarlega. Skipverjar hafði verið á veiðum í nokkra daga þegar fyrsti skipverji sýndi einkenni veirunnar, en ekki var snúið aftur í land fyrr en eftir þrjár vikur og þá aðeins til að taka olíu en um leið voru starfsmenn skimaðir fyrir veirunni. Að svo búnu lagði skipið úr höfn á ný, en sneri til baka degi síðar eftir að niðurstöður skimana lágu fyrir.

Frétt af mbl.is

Meirihluti áhafnar smitaður

Skipstjórinn var í kjölfarið ákærður fyrir brot gegn 34. grein laganna, en þar segir: „„Ef ástæða er til að ætla að skip­verji sé hald­inn sjúk­dómi sem hætta staf­ar af fyr­ir aðra menn á skip­inu skal skip­stjóri láta flytja sjúk­ling­inn í land ef eigi reyn­ist unnt að verj­ast smit­hættu á skip­inu.“

Frétt af mbl.is

Skipstjórinn á Júlíusi Geirmundssyni ákærður

Tengdar fréttir

Covid-veikir skipverjar á Júlíusi Geirmundssyni

Skipstjóri sakfelldur vegna Covid-smits skipverja

• Segir óhugsandi að útgerðin hafi ekki ráðið för
• Sviptur skipstjóri á Júlíusi ráðinn stýrimaður
• Ekki ljóst hvort allir nái heilsu á ný
• Skipstjórinn á Júlíusi Geirmundssyni ákærður

» Fleiri tengdar fréttir

• Blogga um frétt