Aflaverðmæti Brims hækkaði um 525 milljónir
Setja bókamerki
Heildarafli fiskiskipa Brims hf. nam 128 þúsund tonnum á árinu 2020 og er það 11 þúsund tonnum minna en árið á undan, að því er segir á vef útgerðarfélagsins. Þar segir jafnframt að samanlagt aflaverðmæti skipanna hafi verið 18 milljarðar króna en var 17,5 milljarðar árið 2019.
Afli uppsjávarskipa var rúmlega 60% að heildarafla flota Brims en hann dróst saman um 7 þúsund tonn milli ára og nam 81 þúsund tonnum í fyrra, munaði þar mestu um minn afla í kolmunna en árið áður. Aflamesta uppsjávarskip félagsins var Venus NS með 42.001 tonn og fylgdi Víkingur AK á eftir með 39.581 tonn.
Afli frystitogara var um svipaður árið 2020 og 2019. Aflamest var Vigri RE með 9.481 tonn, var Höfrungur III AK í öðru sæti með 9.010 tonn og í þriðja Örfirisey ER með 8.778 tonn.
Samdráttur við lokun
Þá nam heildarafli ísfisktogaranna 19.710 tonnum árið 2020 sem er 3 þúsund tonnum minni afli en árið á undan. Samdrátturinn er sagður hafa komið til vegna þriggja mánaða lokunar fiskiðjuversins við Norðurgarð á meðan unnið var að uppfærslu vinnslubúnaðar og annarra breytinga.
Meðal ísfisktogara félagsins var það Viðey RE sem kom með mestan afla til hafnar í fyrra eða 6.740 tonn. Akurey AK var með 6.064 tonn í fyrra, Helga María AK með 5.264 tonn og Kristján HF með 1.643 tonn, en línuskipið Kristján bættist við flota Brims þegar félagið festi kaup á Kambi hf.
Nóvemberhitametið fallið?
Við urðum að byrja upp á nýtt
Lýsa yfir stuðningi við kennara
Spá illviðri víða um land á morgun
/frimg/1/52/89/1528998.jpg)
Eftirminnilegur og áhugasamur
Fjögur ungbörn á spítala með RS-veirusýkingu
Minni tafir en í sambærilegum borgum