Nýr Einar Guðnason til Suðureyrar

Útgerðarfélagið Norðureyri ehf. á Suðureyri fékk í síðustu viku afhentan nýjan yfirbyggðan Cleopatra 50 beitningavélarbát frá Trefjum í Hafnarfirði. Hann leysir af hólmi eldri bát útgerðarinnar sem strandaði við Gölt síðla árs 2019.

Báturinn hefur hlotið nafnið Einar Guðnason ÍS 303, sama nafn og sá sem strandaði, og er 15 metrar að lengd og mælist 30 brúttótonn, að því er fram kemur í fréttatilkynningu frá Trefjum. Þar segir að skipstjórar á Einari Guðnasyni, sem útbúinn er til línuveiða, séu þeir Bjarni Bjarnason og Friðrik Ólafsson. Þá hefur báturinn þegar hafið veiðar og þær sagðar ganga vel.

Frétt af mbl.is

Skipverjarnir fengu áfallahjálp í nótt

Báturinn er útbúinn til lengri útiveru ef þarf og aðbúnaður um borð fyrir áhöfn í takt við það. Stór borðsalur er í brúnni.  Svefnpláss er fyrir fjóra í lúkar auk fullkominnar eldunaraðstöðu með eldavél, bakarofni, örbylgjuofn og ísskáp.

Rými er fyrir allt að 43stk 460lítra kör í lest.  Millidekk er lokað með aðgreindu dráttarrými.  Í bátnum er upphituð stakkageymsla. 

Vel búinn

Aðalvél bátsins er af gerðinni Doosan V158 480kW tengd frístandandi ZF 360 V-gír. Rafstöð og glussarafall er af gerðinni Scam frá Ásafli ehf. og er báturinn er útbúinn siglingatækjum af gerðinni JRC og Raymarine frá Sónar ehf.

Þá er Einar Guðnason búinn vökvadrifnum hliðarskrúfum að framan og aftan sem tengdar eru sjálfstýringu bátsins og er beitningavél, rekkakerfi og línuspil frá Mustad í Noregi. Búnaður á dekki er frá Stálorku, en Ísvél og forkælir frá Kælingu ehf. Í bátnum er einnig ARG250 stöðugleikabúnaður frá Ásafli ehf.

Lífbátar og annar öryggisbúnaður bátsins kemur frá Viking.

Frétt af mbl.is

Norðureyri festir kaup á Von í stað Einars

• Blogga um frétt