Iceland Seafood fær að nota Icelandic-vörumerkið
Setja bókamerki
Iceland Seafood International hf. hefur hlotið heimild til að nota Icelandic Seafood-vörumerkið samkvæmt samkomulagi sem á föstudag var undirritað af fyrirtækinu og handhafa vörumerkisins, Icelandic Trademark Holding sem er í eigu ríkissjóðs.
Fram kemur í fréttatilkynningu að samkomulagið „mun styðja við markaðssókn með íslenskt sjávarfang í Evrópu. Horft er til langs tíma með það að markmiði að auka virði útflutnings á gæðaafurðum frá landinu undir merkjum þess og auka vitund um virði þeirra og uppruna.“
Vörumerkið er í umsjón Íslandsstofu og því fylgir ábyrgð á kynningu og umsjón með lögformlegri verndun þess. Samningar eru þegar í gildi um notkun Icelandic fyrir íslenskar sjávarafurðir sem seldar eru í Bandaríkjunum, Asíu og Suður-Evrópu.
„Það er okkur mikil ánægja að skrifa undir langtímasamning um afnot af Icelandic Seafood-vörumerkinu. Við höfum notað það fyrir afurðir okkar í Suður-Evrópu til langs tíma með góðum árangri. Héðan í frá munum við kappkosta að styrkja það enn frekar og hefja markvissa sókn með merkið inn á markaði fyrirtækisins í Norður-Evrópu,“ segir Bjarni Ármannsson, forstjóri Iceland Seafood International.
/frimg/1/21/63/1216399.jpg)
Eiga að loka flugbrautinni fyrir laugardag
„Galið að stimpla málið á svartan húmor“
Hriktir í meirihlutanum í borginni
Rúða splundraðist hjá samskiptastjóranum
Myndskeið: Eldingu sló niður í Hallgrímskirkjuturn
Fær þingsætið þrátt fyrir skilorðsbundinn dóm
Óvíst hvort heimili sem ráðherra opnaði verði opnað
Of mikil einföldun að skella skuldinni á geðrof