Skipverjinn um borð í Fjölni GK sem fékk jákvæða svörun í seinni skimun reyndist ekki vera með virkt smit. „Þetta slapp fyrir horn,“ segir Pétur Hafsteinn Pálsson, framkvæmdastjóri útgerðarinnar Vísis hf., í samtali við 200 mílur.

Tekið var sýni um klukkan átta í morgun og bárust niðurstöður rétt fyrir hádegi. „Þetta var staðfesting á því að hann er ekki með virkt smit,“ útskýrir Pétur Hafsteinn sem segir skipið halda til veiða í kvöld. „Það er bara verið að hóa í þá sem voru ekki komnir um borð [áður en atvikið átti sér stað]. Þeir verða komnir á sjó í kvöld.“

Fjölnir GK var kyrrsettur í Grindavík í gærkvöldi eftir að einn skipverji virðist hafa rofið sóttkví og mætt til vinnu skömmu áður en hann fékk jákvæða niðurstöðu úr seinni sýnatöku eftir komuna til landsins. Málið er á borði lögreglu.

Frétt af mbl.is

Mál sjómanns á borði lögreglu

Það var mikill léttir að viðkomandi reyndist ekki smitaður, segir Pétur Hafsteinn. Spurður hvort greiðlega hafi gengið að vinna úr stöðunni sem kom upp í gærkvöldi svarar hann því játandi. „Þetta hefur gengið alveg rosalega vel. Við erum með frábært fólk á skrifstofunni, þetta er mikil vinna þar. Þetta hefur tekist vel í sambandi við áhöfnina, menn hafa virt þetta alveg.“

„Við höfum tvisvar þurft að koma skipi í land vegna gruns og einu sinni þurft að fresta brottför aðeins, en þetta hefur allt gengið alveg ótrúlega vel,“ segir hann. „Ég held það sé almennt þannig hjá öllum sjómönnum að þeir geri sig grein fyrir hættunni.“

Frétt af mbl.is

„Menn bíða milli vonar og ótta um borð í skipinu“

Tengdar fréttir

Kórónuveiran Covid-19

Stefna Norðmenn ríkinu vegna bólusetninga?

• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“
• Rétti barni sínu frekar sígarettur en iPad

» Fleiri tengdar fréttir

• Blogga um frétt