Áhöfnin á línubátnum Fjölni GK er enn um borð á meðan er beðið niðurstöðu úr sýnatöku eins skipverja. Þeir sem áttu í samskiptum við hann um borð sæta nú einangrun í klefum, segir Pétur Hafsteinn Pálsson, framkvæmdastjóri útgerðarinnar Vísis hf., í samtali við 200 mílur.

Skipið var kyrrsett við bryggju í Grindavík í gær í kjölfar þess að skipverji sem var nýlega kominn heim frá útlöndum fékk jákvæða svörun úr seinni sýnatöku, hafði sú fyrri reynst neikvæð. Hann mætti þó til starfa áður en hann fékk niðurstöðu úr síðari skimun og rauf þar með sóttkví.

Frétt af mbl.is

Níu fastir um borð eftir að smit kom upp

Tekið var sýni úr skipverjanum klukkan átta í morgun. „Nú er þetta bara í höndum yfirvalda,“ segir Pétur Hafsteinn. „Þeir vilja fá staðfestingu á því hvers konar smit þetta er ef þetta er smit. Það er einhver von um að þetta sé gamalt.“

Hann segir það taka tvo til fjóra tíma að fá niðurstöðu úr sýnatökunni. „Það kemur í ljós fyrir hádegi hvort menn sleppa fyrir horn eða hvort þetta sé alvarlegt mál. Menn bíða milli vonar og ótta um borð í skipinu.“

Fjölnir GK er kyrrsettur við bryggjuna í Grindavík. mbl.is/Sigurður Bogi

Tengdar fréttir

Kórónuveiran Covid-19

„Áfall fyrir bæjarfélagið“

• Covid-19 aftur á skrið
• „Hefur ótrúleg áhrif á líf fólks“
• Landsvirkjun selur höfuðstöðvarnar
• Smitum fjölgar: Hópsýking kom upp á Landakoti

» Fleiri tengdar fréttir

• Blogga um frétt