Vægi fiskeldis í útflutningstekjum þjóðarbúsins aldrei verið meira en árið 2020 og nam útflutningsverðmæti eldisafurða um 11% af útflutningsverðmætum sjávarafurða á árinu, en tæp 5% af verðmæti vöruútflutnings í heild, að því er fram kemur á Radarnum.

Í desember voru útflutningsverðmæti eldisafurða tæpir 4 milljarðar króna sem er nokkuð umfram væntingar og gerir þetta desember 2020 að stærsta mánuð í greininni frá upphafi. Nam útflutningsverðmæti eldisafurða á árinu 2020 í heild þar með 29,3 milljörðum króna sem er nýtt met.

Útflutningsverðmæti eldisafurða jókst um rúm 17% á milli ára en vegna lækkunar á gengi krónunnar var aukningin í erlendri mynt tæp 6%. Afurðaverð var rúmlega 5% lægra að jafnaði í erlendri mynt á árinu 2020 en árið 2019, en í fyrra var sett framleiðslumet og var 40,6 þúsund tonnum af eldisfiski slátrað sem er 20% aukning frá 2019.

Frétt af mbl.is

Eldið skilaði 29 milljarða útflutningstekjum

Í greiningu Radarsins, sem Samtök fyrirtækja í sjávarútvegi standa að, segir að „aukin umsvif í fiskeldi styrkja gjaldeyrisöflun þjóðarbúsins og þar með við gengi krónunnar, enda er hreint framlag greinarinnar til útflutningstekna jákvætt. Þetta framlag má meðal annars sjá í vinnsluvirði atvinnugreina, sem er virðisaukinn sem stendur eftir þegar tekið hefur verið tillit til aðfanganotkunar, eins og innfluttra aðfanga.“

Þá er fiskeldi jafnframt sagður grunnatvinnuvegur „sem þýðir að það hefur meiri efnahagslega þýðingu en umfang þess, eitt og sér, gefur til kynna. Þannig eru aðrir atvinnuvegir háðir starfsemi fiskeldisfyrirtækja, en þau ekki háð starfsemi annarra atvinnuvega, að minnsta kosti ekki í eins miklum mæli. Áhrif greinarinnar eru afar mikil á ákveðnum landsvæðum, eins og Vestfjörðum og Austurlandi. […] Þetta má rekja beint til aukinna umsvifa starfseminnar sjálfrar og óbeint til afleiddra áhrifa sem eldið hefur á aðrar atvinnugreinar.“

Frétt af mbl.is

Fiskeldi sneri hnignun í sókn

Erlent eignarhald á meirihluta hlutafjár eldisfyrirtækjanna kemur ekki í veg fyrir að greinin skilur mikið eftir sig hér á landi, samkvæmt greiningunni sem vísar til ofangreindra þátta. „Þar að auki getur erlend fjárfesting einnig átt þátt í að dreifa fjárhagslegri áhættu af innlendri atvinnuuppbyggingu sem er vissulega af hinu góða. Að íslensku fiskeldi koma jafnframt fagaðilar, sem hafa ekki einungis sett fjármagn í uppbygginu heldur einnig miðað af reynslu sinni og þekkingu til uppbyggingar greinarinnar.“

Tengdar fréttir

Fiskeldi

Thor fær leyfi til fiskeldis

• Allt landeldi í uppnámi
• Eining um vöktun grunnvatns
• Tillaga að 12 þúsund tonna eldi Geo Salmo
• Sigurður Arnar til liðs við Laxey

» Fleiri tengdar fréttir

• Blogga um frétt