Heimila 11.000 tonn af frjóum laxi í Fáskrúðsfirði
Setja bókamerki
Á grundvelli uppfærðs áhættumats Hafrannsóknastofnunar vegna erfðablöndunar hefur Matvælastofnun (MAST) gert tillögu um að rekstrarleyfi Fiskeldis Austfjarða í Fáskrúðsfirði verði breytt þannig að fyrirtækið fái heimild til að hafa 11 þúsund tonn af frjóum laxi í firðinum, en eldra leyfi gerði ráð fyrir hámark frjós lax í firðinum væri 6 þúsund tonn.
Fram kemur á vef MAST að Fiskeldi Austfjarða hafi fengið rekstarleyfi 21. mars 2019 sem heimilaði 11.000 tonnahámarkslífmassa í firðinum, þar af mátti frjór lax vera að hámarki 6.000 tonn en 5.000 tonn væru þá ófrjór lax. Rekstrarleyfið samræmdist þágildandi áhættumati Hafrannsóknastofnunar vegna erfðablöndunar frá árinu 2017.
Uppfært áhættumat var gefið út í maí í fyrra og er það grundvöllur tillögu MAST um að heimila 11.000 tonna hámarkslífmassa af frjóum laxi í Fáskrúðsfirði. Einnig er byggt á tilkynningu Fiskeldis Austfjarða frá 2020 og ákvörðun Skipulagsstofnunar frá 2021 um breytingu á staðsetningu eldissvæða og útsetningaráætlun í Fáskrúðsfirði.
Færa eldissvæðin
Þá heimilar rekstrarleyfið einnig færslu eldissvæðanna og verður eldissvæðið við Æðasker lagt af en þess í stað afmarkað nýtt eldissvæði í firðinum sunnanverðum sem kallast Einstigi. Einnig er gert ráð fyrir að flytja svæði við Höfðahúsabót og Fögrueyri austar ásamt því að breyta afmörkun þeirra. Svæðin verða tvö í firðinum sunnanverðum kjölfar breytinganna auk þess sem eitt svæði verður í honum norðanverðum.
„Einnig er um að ræða breytingu á útsetningaráætlun og sjókvíeldissvæðum. Seiði verða sett út þriðja hvert ár á hvert eldissvæði í stað þriðja hvert ár á öll eldissvæðin í einu,“ segir á vef MAST.
Breytingar í Berufirði
MAST hefur einnig gert tillögu að breyttu rekstrarleyfi fyrir Fiskeldi Austfjarða varðandi eldi í Berufirði. Hefur fyrirtækið verið með heimild til að hafa í firðinum 9.800 tonna hámarkslífmassa, þar af 6.000 tonn af frjóum laxi og 3.800 tonn af ófrjóum laxi sem var í samræmi við eldra áhættumat vegna erfðablöndunar.
Í samræmi við nýtt áhættumat er lagt til að nýtt rekstrareyfi heimili allt að 7.500 tonn af frjóum laxi og 2.300 tonn af ófrjóum laxi í Berufirði.
„Við erum ekki í neinu stríði við kennara“
Vilja stöðva framkvæmdir tafarlaust
Lífið er yndislegt, syngur Inga
Hrossatað losað við Úlfarsfell
Togast á um vistarverur í Alþingishúsi
Nauðgunarmál Inga Vals klauf Hæstarétt
Inga Sæland, eineltið og lögin í landinu