Hafrannsóknastofnun og Benchmark Genetics Iceland (áður Stofnfiskur) vinna með Maryland-háskóla í Baltimore í Bandaríkjunum að þróun á nýrri aðferð til fjöldaframleiðslu á kynlausum laxi til notkunar í fiskeldi, samkvæmt aðferð vísindamanna Maryland-háskóla.

Svokallaðri genaþöggun er beitt á fyrstu stigum lirfuþroska og felst aðferðin í að slökkva á genum í kynfrumum. Fiskarnir verða eðlilegir að öllu öðru leyti en því að þeir mynda ekki hrogn eða svil. Besti árangur í rannsókninni til þessa er að 70% hópsins urðu ófrjó en markmiðið er að ná 100% árangri.

Benchmark Genetics framleiðir þrílitna hrogn til útflutnings til Noregs og fleiri landa en meðhöndlunin gerir laxinn ófrjóan. Hentar hann hins vegar ekki við allar aðstæður, til dæmis í landeldi sem er í mikilli uppbyggingu. Þess vegna er verið að þróa ýmsar aðferðir við að gelda lax, þó hann sé áfram tvílitna. Ein af þeim er rannsóknin sem unnið er að hjá Hafró í Grindavík, að því er fram kemur í umfjöllun um mál þetta í Morgunblaðinu í dag.

Tengdar fréttir

Fiskeldi

Telur lúsina sameiginlega áskorun

• Lús smitar út frá kvíum í villta laxa
• Met sett í vinnslunni í október
• Rannsaka mikinn seiðadauða í Fáskrúðsfirði
• 2024 líklegast metár eldisafurða

» Fleiri tengdar fréttir