Sex atvik, þar sem stjórnendur báta voru sofandi er óhapp varð, voru afgreidd með lokaskýrslu hjá siglingasviði rannsóknarnefndar samgönguslysa á síðasta ári, en slysin urðu 2019. Í öllum tilvikum strönduðu bátarnir, en mannbjörg varð. Vökutími áður en óhappið varð var í þremur tilvikum 20 klukkutímar eða lengri.

Slys á sjó frá og með árinu 2000 þar sem stjórnendur eru sofandi þegar óhapp verður eru nú orðin um 50 talsins. Oft hafa óhöpp af þessum toga verið 1-2 á ári, en 2020 voru sex slík mál afgreidd frá RNSA, eins og áður sagði, 2019 voru þau fimm og fjögur bæði árin 2005 og 2007.

Samkvæmt upplýsingum Jóns Arilíusar Ingólfssonar rannsóknastjóra urðu sjö strönd á síðasta ári og tvö atvik urðu þegar skip tók niðri. Fjögur af þessum atvikum eru órannsökuð, en svo virðist sem eitt þeirra gæti fallið í þennan flokk. aij@mbl.is

Tengdar fréttir

Öryggi sjófarenda

Munaði litlu að báturinn sykki

• Náðu að bjarga sjón háseta
• Heppinn að hafa náð að kalla eftir hjálp
• Björgunarskipið Þór selt til Súðavíkur
• Líklega hjálmi að þakka að ekki fór verr

» Fleiri tengdar fréttir