Íslensku uppsjávarskipin liggja enn við bryggju og hafa ekki hafið loðnuveiðar sínar. Þau bíða þess að hrognafylling loðnunnar verði nægilega mikil fyrir japanska kaupendur, en þeir sækja sérstaklega í hrognin, að því er fram kemur á vef Síldarvinnslunnar.

Á meðan er fjöldi norskra skipa rétt undan Austfjörðum að veiða loðnu og hófst loðnuvinnsla á ný eftir tæplega þriggja ára hlé í fiskiðjuveri Síldarvinnslunnar í Neskaupstað á laugardagsmorgun er norska uppsjávarskipið Fiskebas landaði 310 tonnum og stuttu síðar Slaatterøy rúmum 100 tonnum. Í gærkvöldi kom síðan Sjøbris með 360 tonn.

„Þetta fer vel af stað og það er gott og gaman að finna loðnulyktina á ný. Hún er fersk og góð. Þetta er ágæt loðna en hún er ekki mjög stór og hrognafyllingin er enn ekki nægjanleg fyrir Japanina. Hér eru þrír Japanir sem fylgjast grannt með. Loðnunni fylgir ávallt ákveðin stemmning og það er gaman að upplifa hana á ný,“ segir Jón Gunnar Sigurjónsson yfirverkstjóri.

Frétt af mbl.is

Áhersla lögð á að skapa sem mest verðmæti úr loðnunni

Tengdar fréttir

Loðnuveiðar

Loðnubrestur veldur ugg á Hornafirði

• Loðnubrestur algengur í Barentshafi
• Tímabært að rannsaka afrán hvala
• Loðnubrestur dregur verulega úr hagvexti
• „Enginn talar um hið augljósa“

» Fleiri tengdar fréttir

• Blogga um frétt