Örvar Marteinsson, formaður Sambands smærri útgerða, lýsir yfir áhyggjum af þróun línuívilnunar eftir að tilkynnt var um afnám hennar í þorski, ýsu og keilu frá og með föstudeginum 12. febrúar og út tímabilið. Nýtt tímabil hefst 1. mars næstkomandi og stendur stöðvunin því yfir í 17 daga.

Örvar bendir á að skerðing í línuívilnunarpottinum um helming við síðustu fiskveiðiáramót sé nú að koma glögglega í ljós. Þá hefur Örvar áhyggjur af frekari skerðingum á pottinum sem lagðar eru til í frumvarpi sjávarútvegsráðherra um atvinnu- og byggðakvóta o.fl. sem liggur nú inni í atvinnuveganefnd Alþingis.

„Skerðingin síðustu ár hefur verið á þeim forsendum að ekki þurfi svona mikla ívilnun lengur vegna þess að það séu svo fáir bátar sem nýta sér þetta. En það sést svo greinilega að það hefur verið allt of mikið að skerða úr tvö þúsund tonnum niður í rúmlega þúsund tonn í þorski. Ef til frekari skerðingar kemur sem lögð er til í frumvarpinu færist potturinn niður í 800 tonn. Í febrúar var búið að veiða fyrir meira en 800 tonn af þorski í línuívilnun,“ segir Örvar í samtali í Morgunblaðinu í dag.

Tengdar fréttir

Smábátaveiðar

Góð aflabrögð hjá bátunum á Suðureyri

• Lýsa áhyggjum af línuívilnun
• Bjóða milljarð í þorskkvóta
• Aðalfundur LS haldinn í fertugasta sinn
• Strandveiðiflotinn skilaði 5 milljörðum króna

» Fleiri tengdar fréttir