RÚV lét fjarlægja myndband Samherja
Setja bókamerki
Ríkisútvarpið fór fram á að myndband Samherja, þar sem vinnubrögð RÚV eru gagnrýnd, yrði tekið niður og úr dreifingu af Facebook.
Heiðar Örn Sigurfinnsson, varafréttastjóri RÚV, fór þess á leit fyrir hönd Ríkisútvarpsins við Samherja að myndbandið yrði tekið úr dreifingu og óskaði einnig eftir að það yrði tekið af Facebook.
Í gærmorgun féllst Facebook á að fjarlæga myndbandið af veitu sinni. Heiðar Örn er skráður fyrir kröfunni.
Krafan var sett fram undir formerkjum höfundarréttar þar sem RÚV heldur því fram að Samherji hafi ekki aflað samþykkis frá safnadeild Ríkisútvarpsins fyrir notkun á hljóð- og myndefni áður en félagið setti myndbandið í birtingu.
Samherji hefur áður greitt fyrir notkun efnis frá RÚV við myndbandagerð sína. Fimmtán sekúndna bútur úr útvarpsfréttum var notaður í umræddu myndbandi sem ekki hafði verið greitt fyrir áður. Búið var að tilkynna notkun efnisins til safnadeildar RÚV og óska eftir að sendur yrði reikningur fyrir efninu.
Í myndbandinu, sem gefið var út af Samherja í kjölfar þess að rannsókn á hendur fyrirtækinu og DNB banka um peningaþvætti var felld niður, eru vinnubrögð fréttastofu RÚV gagnrýnd. Þar kemur fram að RÚV hafi birt fjölda frétta þar sem fjallað var um rannsókn á DNB í Noregi og viðskipti hans við Samherja en ekki greint frá því í kvöldfréttatíma sínum að Ríkissaksóknari Noregs hafi fellt niður sakamálið sem var til rannsóknar.
Umrætt myndband má sjá hér:
/frimg/1/50/58/1505804.jpg)
Hreinar línur í veðrinu næstu tíu daga
Neitaði að taka þátt í PISA-könnuninni
Verðbólga eykst umfram spár
„Teljum mjög litlar líkur á vaxtalækkun í ágúst“
Segir aðferðafræði Seðlabankans ekki að virka
Var aldrei að fara að byggja glerhöll eða gámahótel
/frimg/1/9/31/1093106.jpg)
Mohamad ekki sá eini: Þúsundir skipta ár hvert
Svona voru síðustu dagarnir: „Ég þarf viku“