Brestir í bókhaldi rækjuvinnslunnar Kampa ehf. á Ísafirði hafa verið kærðir til lögreglu. Þetta staðfestir lögreglan á Vestfjörðum í skriflegu svari við fyrirspurn 200 mílna.

Einum tveggja stjórnenda Kampa var vikið úr starfi og úr stjórn félagsins þann 26. janúar og sætir hann ásökunum um að hafa vísvitandi gefið upp ranga mynd af fjárhagsstöðu rækjuvinnslunnar. Ekki hefur fengist upplýst hvort hann hafi hlotið stöðu grunaðs manns af hálfu lögreglunnar.

Frétt af mbl.is

Bókhald byggt á skáldskap

Það var í síðasta mánuði sem fyrirtækið fékk þriggja vikna greiðslustöðvun eftir að fjárhagsstaða þess reyndist mun verri en bókhald Kampa gaf til kynna. Hermdu heimildir að fjárhæðir sem vanta hlaupa á hundruðum milljóna króna og að mikil skuldasöfnun hafi átt sér stað.

Kampi hefur kært til lögreglu athæfi starfsmannsins fyrrverandi og er málið nú á borði lögreglunnar, en ekki hafa fengist nánari upplýsingar um málsatvik eða rannsóknina.

Tengdar fréttir

Kampi rækjuvinnsla

Ætluðu að loka á rafmagnið

• Vísað úr stjórn og sagt upp störfum
• „Auðvitað hefur fólk áhyggjur af þessu“
• Bókhald byggt á skáldskap
• Fær greiðslustöðvun – Munar stórum fjárhæðum

» Fleiri tengdar fréttir

• Blogga um frétt