Íslendingar eiga 10% í Arctic Fish
Setja bókamerki
Talið er að íslensk fyrirtæki, lífeyrissjóðir og einstaklingar eigi nú liðlega 10% hlut í Arctic Fish Holding, norsku eignarhaldsfélagi fiskeldisfyrirtækisins Arctic Fish á Vestfjörðum. Nokkuð lífleg viðskipti hafa verið með hlutabréf í félaginu eftir að þau voru skráð á hlutabréfamarkað í Noregi. Hlutabréfin ganga nú kaupum og sölum á tæplega 7% lægra verði en gilti í útboðinu.
Arctic Fish Holding var skráð á Euronext Growth-hlutabréfamarkaðinn í kauphöllinni í Osló í síðasta mánuði í kjölfar útboðs á nýju hlutafé. Verulegur áhugi reyndist á þátttöku og gengu íslensk, norsk og alþjóðleg fyrirtæki inn í hluthafahópinn, ásamt fjölda starfsmanna.
NRS með meirihluta
Fyrirtækið hefur nú birt á heimasíðu sinni hluthafalista sem miðaður er við 26. febrúar, eftir að útboðinu lauk. Stærsti hluthafinn, Norway Royal Salmon, á nú 51,28% hlut en átti 50% fyrir útboðið. Hins vegar seldi annar stærsti hluthafinn, Bremesco Ltd., töluvert af sínum hlut og á nú 26,2% hlutafjár í stað 47,5%. Stofnendur Arctic Fish, Sigurður Pétursson og Guðmundur Stefánsson og konur þeirra, juku hlut sinn úr 2,5 í 4,3%, og eru þriðji stærsti hluthafinn í nafni Novo ehf., þrátt fyrir innkomu margra nýrra hluthafa.
Óvissustigi lýst yfir á Austfjörðum
Litla stelpan með perlurnar
Flugvél hrapaði í Fíladelfíu
Er bókin ónothæf eða góð yfirferð?
Óvissustigi aflétt á sunnanverðum Vestfjörðum
„Þú selur ekki launþega“
Útgerðarstarf Sigurjóns ekki í hagsmunaskrá