Kristján Þór Júlíusson, sjávarútvegs- og landbúnaðarráðherra, undirritaði í gærkvöldi reglugerð um grásleppuveiðar og mun reglugerðin vera birt í stjórnartíðindum síðar í dag. Þetta staðfestir atvinnuvegaráðuneytið.

Gert er ráð fyrir að hægt verði að grásleppuvertíðin hefjist 23. mars, en fram kemur á vef Fiskistofu að samkvæmt upplýsingum stofnunarinnar munu grásleppuveiðar í Breiðafirði ekki hefjast fyrr en 20. maí. Þá kveðst Fiskistofa gera ráð fyrir að opna fyrir umsóknir um grásleppuleyfi á morgun 18. mars.

Landssamband smábátaeigenda birti á vef sínum í gærkvöldi fregnir af reglugerðinni og segir þar að leyfi verða gefin út fyrir 25 samfellda daga og að leyfin verða bundin við ákveðin svæði og veiðitímabil, en veiðisvæðin verða sjö talsins.

Þá er gert ráð fyrir að grásleppusjómönnum verði heimilt að skera úti á sjó enda er mjög erfitt að koma hveljum í verð um þessar mundir. Þetta merkir að heimilt verður að fleygja grásleppuskrokkum í sjóinn eftir að sjómenn hafa hirt hrognin, ef ekki fæst kaupandi að hveljunum.

Tengdar fréttir

Grásleppuveiðar

Áhrif grásleppufrumvarpsins komi í ljós

• Skemmdarverk unnin
• „Grásleppukarlinn heyrir nú sögunni til“
• Lilja Rafney yfirgefur VG vegna svika flokksins
• Grásleppa kvótasett í frumvarpi

» Fleiri tengdar fréttir

• Blogga um frétt