Auka þjónustuframboð við hafnir

Með kaupum á KrÓla ehf. vonast eigendur Köfunarþjónustunnar til að geta bætt þjónustuframboð við hafnir landsins. 

Gengið var frá kaupum félagsins á KrÓla ehf. í byrjun mars ásamt öllum lager fyrirtækisins. KrÓli ehf hefur sérhæft sig í þjónustu við hafnir landsins með flotbryggjum, öryggisbúnaði og öldubrjótum. Ásamt því selur félagið ýmsan búnað tengdan höfnum svo sem fingur til viðlegu við flotbryggjur, tenglastólpa fyrir lýsingu og landtenginu báta, fenderlista til að verja báta, landganga ásamt öllum búnaði sem þarf til uppsetninga of þjónustu á flotbryggjum. 

„Með kaupunum stefnir Köfunarþjónustan á að víkka út þjónustu við hafnir landsins sem m.a. er að finna í vörumerkj­um KrÓla ehf.,“ segir í tilkynningu frá Köfunarþjónustunni.

Köfunarþjónustan býður upp á þjónustu á sviði köfunar og ýmiss konar viðhalds- og viðgerðarþjónustu við hafnir. Má þar nefna viðgerðir á bryggjuþiljum, uppsetningu flotbryggja og viðhald þeirra. Ásamt því að sinna öllum almennum köfunarverkefnum. 

Sameining KrÓla við Köfunarþjónustuna ætti því að falla vel að þjónustuþörfum hafna landsins. 

• Blogga um frétt