Leyfi fyrir kalkþörungaverksmiðju

Íslenska kalkþörungafélagið hefur fengið leyfi til að vinna kalkþörungaset í Ísafjarðardjúpi fyrir verksmiðju sem fyrirtækið undirbýr í Súðavík.

Djúpkalk mun taka til starfa síðla árs 2025, samkvæmt nýrri tímaáætlun, en það er fimm árum síðar en áformað var. Leyfisveitingaferlið reyndist tafsamara en reiknað var með.

Leyfi Orkustofnunar er til þrjátíu ára og veitir heimild til að taka 3,6 milljónir rúmmetra af dauðum kalkþörungum á tilteknum svæðum, að því er fram kemur í í umfjöllun um mál þetta í  Morgunblaðinu í dag.

Verksmiðjan í Súðavík á að vera álíka stór og kalkþörungaverksmiðjan á Bíldudal, með um 120 þúsund tonna framleiðslugetu.