Vélarvana bátur á reki í Kollafirði

Björgunarsveitir og slökkvilið voru kölluð út rétt fyrir klukkan sex vegna vélarvana báts í Kollafirði, skammt frá höfuðborginni.

Bátinn rak nokkuð hratt að landi og þegar fyrstu viðbragðsaðilar komu á vettvang hafði hann strandað í flæðarmálinu utarlega í firðinum, norður af Álfsnesi.

Gúmmíbátur frá slökkviliðinu á höfuðborgarsvæðinu og einn björgunarbátur frá Reykjavík voru sendir á staðinn og hefur tveimur af þremur skipverjum verið komið í land að sögn Davíðs Más Bjarnasonar, upplýsingafulltrúa Landsbjargar. Reynt verður að draga bátinn á flot en hann er nokkuð vel skorðaður í grjóti. 

Báturinn er lítill skemmtibátur og nógu lítill til að vera ekki á skrá.

• Blogga um frétt