Hátíð hafsins aflýst

Allri skipulagðri dagskrá Hátíðar hafsins hefur verið aflýst í ár. Þetta kemur fram á vef Faxaflóahafna. 

Hátíðina, sem haldin hefur verið hátíðleg ár hvert á Grandanum og á hafnarsvæði Reykjavíkur sjómannadagshelgina ár hvert, átti að halda dagana 5.-6. júní í ár.

Hátíð hafsins hafa sótt um 40 þúsund manns ár hvert þar sem boðið hefur verið upp á fræðslu um lífríki sjávar, sjómennsku og verðmætasköpun sjávarútvegs. Auk þess hefur skemmtidagskrá fyrir fjölskyldur verið í boði með söng- og leikdagskrá. 

Vegna aðstæðna í þjóðfélaginu, heimsfaraldurs og takmarkana hans vegna hefur öll dagskrá tengd Hátíð hafsins verið blásið af. Fram kemur í tilkynningu frá skipuleggjendum hátíðarinnar að þeir séu staðráðnir í að taka upp þráðinn á ný að ári með veglegri dagskrá á hafnarsvæðinu.

• Blogga um frétt