Minni samþjöppun í sjávarútvegi en víða

„Þvert á það sem mætti ætla af umræðunni hér á landi er samþjöppun í sjávarútvegi í raun ekki mikil. Það sést ekki síst þegar litið er til annarra atvinnugreina á borð við heild- og smásöluverslun, málmframleiðslu og byggingariðnaðinn. Ef við skoðum smásölumarkaðinn þá eru örfá fyrirtæki sem ráða nær öllum markaðnum og átta stærstu fyrirtækin eru með 88% markaðshlutdeild. Ef litið er til sjávarútvegsins eru 88% markaðarins í höndum 44 fyrirtækja.“ Þetta segir Svanur Guðmundsson, sjávarútvegsfræðingur og framkvæmdastjóri Bláa hagkerfisins ehf. sem nýverið gaf út skýrslu um samkeppni í íslenskum sjávarútvegi.

Blóðug alþjóðleg samkeppni

Bendir hann á að sjávarútvegurinn eigi í blóðugri samkeppni á alþjóðamarkaði og að hverfandi hluti framleiðslunnar sé til endanotkunar á íslenskum markaði, því sé öfugt farið með smá- og heildsöluna sem þjónusti fyrst og fremst þann örsmáa markað sem íslenska hagkerfið er.

Svanur Guðmundsson.

„Menn hafa gríðarlegar áhyggjur af samþjöppun í sjávarútvegi sem er að keppa við útgerðir um heim allan sem eru miklu stærri en öll greinin hér heima. En svo þykir ekkert tiltökumál að það séu örfáir bankar og tryggingafélög, örfáir byggingarverktakar. Meira að segja í annarri þjónustu og framleiðslu sem beint er á alþjóðlegan markað, líkt og í málmvinnslu og flugþjónustu, eru fyrirtækin örfá.“

Lestu meira um málið í ViðskiptaMogganum í dag.