Stærsti þorskur Íslandssögunnar?

Margir hafa velt því fyrir sér hvort þorskurinn sem áhöfnin á Sólrúnu á Árskógssandi landaði í gær og vó 51 kíló sé sá stærsti sem veiðst hefur við Íslandsstrendur. Svo virðist vera.

Blaðamaður 200 mílna hefur leitað til sérfræðinga og ekki finnast gögn um þyngri þorsk. Þyngsti þorskur sem veiðst hafði við landið, samkvæmt bókinni Íslenskir fiskar, var 45 kíló. Sá þyngsti í heimi vó 73 kíló og veiddist við Nýfundnaland.

Frétt af mbl.is

Veiddu 51 kílós þorsk

Bókin Íslenskir fiskar kom síðast út 2013 og hafa því liðið þó nokkur ár frá því stærsti íslenski þorskurinn var skrásettur og er því erfitt að fá það endanlega staðfest hvort fiskurinn sem landað var á Árskógssandi í gær hafi verið sá stærsti í Íslandssögunni.

Því er óskað eftir ábendingum og myndum af stærri eða svipuðum fiskum, hafi þeir veiðst hér við land. Ábendingar má senda á netfangið 200milur@mbl.is.

Áhöfnin á Sólrúnu EA með þorskinn. Ljósmynd/Sindri Swan

• Blogga um frétt