Vinnsla umsókna um rekstrarleyfi til laxeldis í Ísafjarðardjúpi er komin í bið. Ástæðan er athugasemd eins fyrirtækisins, Arnarlax, við tillögu að rekstrarleyfi fyrir annað, Háafell, dótturfélag Hraðfrystihússins – Gunnvarar, sem Matvælastofnun auglýsti í byrjun mars.

Matvælastofnun ákvað að verða við kröfu Arnarlax um að rannsaka hvort Skipulagsstofnun hefði afgreitt matsskýrslur fyrirtækjanna vegna umhverfismats í réttri röð.

Heimilt er að vera með allt að 12 þúsund tonna lífmassa af frjóum laxi í sjókvíum í Ísafjarðardjúpi. Það var leyft eftir að stjórnvöld afléttu banni við laxeldi þar vegna hættu á erfðamengun laxastofna.

Fjögur fyrirtæki höfðu áform um að nýta þessar heimildir og hafa þrjú þeirra lokið umhverfismati. Þau sækja um alls tæplega 31 þúsund tonn af laxi og fyrirtækin þrjú sem koma til greina sækja samtals um tæplega 25 þúsund tonn eða tvöfalt það magn sem áhættumat heimilar, að því er fram kemur í Morgunblaðinu í dag.

Tengdar fréttir

Fiskeldi

Telur lúsina sameiginlega áskorun

• Lús smitar út frá kvíum í villta laxa
• Met sett í vinnslunni í október
• Rannsaka mikinn seiðadauða í Fáskrúðsfirði
• 2024 líklegast metár eldisafurða

» Fleiri tengdar fréttir