Síma Páls Steingrímssonar, sem kenndur er við „skæruliðadeild Samherja“, var stolið af honum á meðan hann lá á milli heims og helju á sjúkrahúsi. Þetta staðfestir Garðar Gíslason, lögmaður Samherja, í samtali við 200 mílur. 

„Páll var alvarlega veikur, svo veikur að hann var í öndunarvél. Á meðan hann er í því ástandi, þá er símanum hans stolið,“ segir Garðar. 

Veiktist Páll alvarlega í byrjun mánaðar og var lagður inn á Sjúkrahúsið á Akureyri. Reyndust veikindi hans svo alvarleg að hann var fluttur með sjúkraflugi á Landspítalann í Reykjavík. 

Páll er enn að jafna sig á veikindunum að sögn Garðars.

Páll lá þungt haldinn á sjúkrahúsi þegar síma hans var stolið. Á myndinni er einnig sonur Páls. Ljósmynd/Aðsend

Stundin og Kjarninn hafa undanfarna daga fjallað um samskipti svokallaðrar „skæruliðadeildar Samherja“. Um er að ræða hóp starfsmanna Samherja sem ræddu sín á milli greinaskrif og annað tengt umfjöllun um Samherja eftir þátt Kveiks um starfsemi Samherja í Namibíu. 

Frétt af mbl.is

Samherji hafi reynt að hafa áhrif á formannskjör BÍ

Páll hefur birt nokkrar greinar þar sem hann hefur komið fyrirtækinu Samherja til varnar sem og gert það á ýmsum spjallþráðum. 

Frétt af mbl.is

„Hann veit allt um ansi mörg þeirra“

Þjófnaður á síma Páls hefur verið kærður til lögreglu og er til skoðunar þar að sögn Garðars. 

Tengdar fréttir

Samherji í Namibíu

Vilja skoða tölvu Jóhannesar

• Þúsundir smáskilaboða fundust í tölvu
• Vandar Jóhannesi ekki kveðjurnar
• Óvíst hvort niðurstaðan verður kærð
• Yfirframleiðandinn kominn með stöðu sakbornings

» Fleiri tengdar fréttir

• 1 blogg um fréttina

Bloggað um fréttina

• Helga Dögg Sverrisdóttir: Starfsmenn sjúkrahússins liggja undir grun,