Ágætisveiði við strendur Færeyja

„Það hefur verið ágætisveiði en hins vegar hefur verið heldur dapurt í nótt og í morgun. Það á örugglega eftir að skána,“ segir Sturla Þórðarson, skipstjóri á Beiti NK, í færslu á vef Síldarvinnslunnar. Skipið hélt til kolmunnaveiða á miðunum austur af Færeyjum á laugardag og er áætlað að skipið sé með um 2.410 tonna afla um borð.

„Hér eru einungis tvö íslensk skip að veiðum auk okkar, en það er fullt af Rússum og margir Færeyingar og einn Grænlendingur að auki,“ segir Sturla.

Liðin er rét rúm vika frá því kolmunna var landað síðast í fiskimjölsverksmiðju Síldarvinnslunnar í Neskaupstað. Þá kom Börkur NK með 2.230 tonn. Á Seyðisfirði var síðast landað í verksmiðju fyrirtækisins á þriðjudag þegar Hákon EA, sem Gjögur gerir út, kom með 1.650 tonn.

Hákon EA. Ljósmynd/Gjögur

• Blogga um frétt