Sigurjón leiðir göngu um hafnarsvæðið í Reykjavík

Sigurjón Arason, prófessor emeritus við Matvæla- og næringarfræðideild Háskóla Íslands og yfirverkfræðingur hjá Matís, mun á morgun leiða göngu á slóðir nýsköpunar í við höfnina í Reykjavík. Fram kemur á vef Háskóla Íslands að gangan er hluti af Nýsköpunarvikunni og liður í samstarfi skólans og Ferðafélags Íslands.

Vignir Albertsson, fyrrverandi skipulagsfulltrúi hjá Faxaflóahöfnum, mun einnig fylgja áhugamönnum um hafnarsvæðið, en gangan mun hefjast við Kaffivagninn.

„Ætlunin er að ganga um bryggjurnar þar sem fiskvinnslan hefur gjarnan verið mest í Reykjavík og útgerðin hvað mest áberandi en í seinni tíð hafa fjölbreytt sprota- og þjónustufyrirtæki tengd sjávarútvegi einnig komið sér fyrir þar. Þar er frjótt umhverfi þar sem starfsmenn ólíkra fyrirtækja stinga saman nefjum til hagsbóta fyrir heila atvinnugrein eins og göngugestir munu kynnast,“ segir í lýsingunni á vef Háskólans.

Frétt af mbl.is

Eitt kíló af ensímum á við tonn af fiski

• Blogga um frétt