Gríðarleg mengun frá bruna í flutningaskipi

Reykjarmökkur stígur enn upp af singapúrska flutningaskipinu MV X-Press Pearl, þar sem eldar hafa logað síðustu ellefu daga. Skipið liggur skammt utan hafnarinnar í Colombo, höfuðborg Srí Lanka.

Yfirvöld eyríkisins sögðust í gær myndu lögsækja eiganda skipsins. Sakamálarannsókn er sögð hafin á brunanum og þeirri mengun sem honum fylgir, en skipið hafði í fórum sínum 25 tonn af saltpéturssýru og feikilegt magn hrárra plastefna.

Sjóher Srí Lanka hefur verið í óða önn að annast hreinsunarstarf. AFP

Frétt af mbl.is

Hætta á mengunarslysi eftir eld í flutningaskipi

Heitir logarnir hafa eyðilagt mikið af farangrinum sem hefur svo endað í Indlandshafi. Fleiri tonnum af örplastsögnum hefur skolað á land á ströndum eyjarinnar og hefur verið gripið til veiðibanns í kjölfarið, auk þess sem óttast er mjög um afdrif lífríkisins neðansjávar.

Forstjóri Hafverndarstofnunar Srí Lanka, Dharshani Lahandapura, segist telja að sjávarmengunin sé sú versta í sögu svæðisins.

AFP

AFP