Nýr Börkur NK er væntanlegur til Síldarvinnslunnar í Neskaupstað á fimmtudag og fær formlega nýtt nafn við hátíðlega athöfn á sunnudag, sem er sjómannadagurinn. Þá verður fólki boðið að skoða skipið innan ramma sóttvarnareglna.

Nýi Börkur er smíðaður hjá Karstensens-skipasmíðastöðinni í Skagen í Danmörku og kostar um 5,7 milljarða króna. Skipið er 4.139 brúttótonn, ætlað til flotvörpu- og hringnótaveiða, 89 metrar að lengd og breiddin er 16,6 metrar. Skipið er systurskip Vilhelms Þorsteinssonar EA, skips Samherja, sem kom til landsins í byrjun apríl.

Uppsjávarskipin eru hönnuð af Karstensens í samvinnu við útgerðirnar. Gunnþór Ingvason, framkvæmdastjóri Síldarvinnslunnar í Neskaupstað, segir að samstarfið við smíði skipanna hafi verið farsælt.

Skipstjórar á Berki verða þeir Hjörvar Hjálmarsson og Hálfdán Hálfdánarson, að því er fram kemur í Morgunblaðinu í dag.

Tengdar fréttir

Endurnýjun skipaflotans

Hulda Björnsdóttir GK-11 á heimleið

• Sigurbjörg nýtur sólarinnar á Jónahafi
• Unnið hörðum höndum í nýjum Hákoni
• Ætla að smíða tvö ný fiskiskip
• Togurum fækkaði um þrjá

» Fleiri tengdar fréttir