Flateyri og Patreksfjörður koma til greina
Setja bókamerki
Vestfirsku fiskeldisfyrirtækin Arctic Fish og Arnarlax vinna að undirbúningi byggingar sameiginlegs laxasláturhúss. Hafa þau leitað upplýsinga um innviði og aðstöðu til að koma slíkri aðstöðu upp á Patreksfirði og Flateyri og ef til vill víðar.
Bæði fyrirtækin nýta laxasláturhús Arnarlax á Bíldudal. Eldið er að vaxa mikið og þörf á betri aðstöðu. Framleiðslan mun aukast enn frekar þegar laxeldi hefst í Ísafjarðardjúpi.
Litið er til ýmissa þátta við staðarvalið, meðal annars þjónustu og innviða á þeim stöðum sem til greina koma. Þá er það skilyrði að laxeldi sé ekki of nálægt sláturhúsi, vegna hættu á að sjúkdómar breiðist út.
Bæjarstjórinn á Ísafirði hefur verið að safna upplýsingum til að svara fyrirspurn Arnarlax og Arctic Fish um aðstöðu fyrir laxasláturhús á Flateyri. Tók málið þá stefnu á síðasta fundi bæjarstjórnar að bæjarstjóra var falið að ganga til viðræðna við fyrirtækin, að því er fram kemur í Morgunbaðinu í dag.
60 þúsund byggingar taldar í hættu
Vill ekki fresta landsfundi
Ráðamenn þurfa að hafa búið áður á staðnum
Varnarmál í norðri munu fá meira vægi
Bregðast við: Framtíð Grænlands „ræðst í Nuuk“
Stefnt að því að auka ekki útgjöld á árinu
Kölluðu til lögreglu á mótmæli Eflingar í Kringlu
Miklar rakaskemmdir og mygla í Lögbergi