USCGC Eagle kemur til hafnar

Bandaríska landhelgisgæsluskipið Eagle er komið til hafnar í Reykjavíkurhöfn við Miðbakka. Skipið er hámastra, þriggja mastra og um 90 metrar á lengd. 

23 segl eru á skipinu og er hæsta mastrið um 45 metrar. 

Skipið er notað fyrir þjálfun nýliða  í Landhelgisgæslu Bandaríkjanna og heldur til Bermuda eftir nokkurra daga viðkomu hér á landi. 

Gestum og gangandi verður boðið upp á að skoða skipið á milli klukkan 12 og 20 á föstudaginn og 10 og 18 á sunnudaginn. 

Fyrrum nasistaskip

Eagle hét áður Horst Wessel, og var smíðað í Blohm+Voss-skipasmíðastöðinni í Hamborg í Þýskalandi nasista árið 1936. Undir lok stríðs tóku Bandaríkjamenn skipið sem herfang og sigldu því til New London í Connecticut, þar sem það hefur átt heimahöfn allar götur síðan. 

• Blogga um frétt