Nýjasta björgunarskip Norðfirðinga, Hafbjörg, kom í fyrsta sinn til heimahafnar í Neskaupstað í gærmorgun, en formleg móttaka skipsins verður á morgun á sjálfan Þjóðhátíðardaginn og verður skipið til sýnis.

Fram kemur í færslu á vef Síldarvinnslunnar að skipið hafi verið keypt frá Svíþjóð en þar bar það nafnið Elsa Johansson og var gert út af sænsku björgunarsamtökunum SSRS. Þá þykir skipið hentugt fyrir þær aðstæður sem skip og áhöfn þarf að sinna hér á landi.

Skipið var smíðað árið 1997 og er sambærilegt núverandi björgunarskipi að stærð með mestu lengd 16,14 metra og 5,14 metra breidd. Þá voru gerðar nauðsynlegar lagfæringar og endurbætur í skipasmíðastöð framleiðandans í Svíþjóð og er ætlunin að bæta við tækjum og búnaði til þess að skipið verði sem best búið til leitar- og björgunarstarfa við Íslandsstrendur.

Hafbjörg eldri. Ljósmynd/Arnbjörn Eiríksson

Nýja Hafbjörg mun hafa margt umfram þá eldri og má nefna aukið farsvið, aukinn ganghraða, sjö tonna togkraft með sleppikrók, skiptiskrúfur á móti föstum skrúfum, verulega aukna stjórnhæfni, vel útbúin til slökkvistarfa með varnarvatnsúðakerfi, öflugar lausar dælur og mikla sjóhæfni.

Uppfæra á meðan beðið er nýsmíða

„Björgunarbátasjóður Austurlands hefur frá árinu 1996 rekið björgunarskip með staðsetningu í Norðfjarðarhöfn. Fyrsta skipið var hollenskt björgunarskip sem keypt var notað frá Hollandi árið 1996 og síðar var því skipi skipt út fyrir núverandi Hafbjörgu sem er smíðuð 1985 og var keypt frá bresku sjóbjörgunarsamtökunum árið 2004,“ segir í færslunni.

Landsbjörg hefur efnt til endurnýjun björgunarskipaflota landsins en Björgunarbátasjóður Austurlands telur það muni taka þó nokkurn tíma að fá nýsmíði afhent og hefur því ákveðið að uppfæra flota sinn.

Frétt af mbl.is

Stærsta fjárfesting í sögu Landsbjargar

Gert er ráð fyrir að heildarkostnaðurinn nemi um 50 til 60 milljónir króna og greiðir sjóðurinn og Landsbjörg megnið af þeirri upphæð en leitað hefur verið styrktaraðila til að aðstoða við fjármögnunina og hafa þegar Síldarvinnslan, Samvinnufélag útgerðarmanna í Neskaupstað, Eskja, Loðnuvinnslan, Fjarðabyggðarhafnir, Einhamar og Hampiðjan lagt verkefninu lið.

Tengdar fréttir

Öryggi sjófarenda

Stutt við kaup á nýju björgunarskipi

• Færa smábátasjómönnum öryggisapp að kostnaðarlausu
• Strand skemmtiferðaskips kallar á erlenda aðstoð
• Kalla þyrfti til erlent viðbragð
• Hafa þrjá mánuði til að bregðast við

» Fleiri tengdar fréttir

• Blogga um frétt