Skip Eimskips strandaði í Noregi

Flutningaskip Eimskips strandaði í Lerstad í Álasundi í Noregi í dag. Níu menn eru um borð í skipinu, en enginn mun hafa slasast. 

NRK greinir frá því að skipið hafi strandað minnst þrjá metra inni í landi. Lögregla og slökkvilið eru á staðnum, en samkvæmt lögreglu er ekki lengur til staðar hætta sem ógni lífi eða heilsu skipverja. 

Nú sé unnið að því að koma skipinu aftur út. Ekkert bendir til þess að skipið leki. Lögregla segir að það sé undir Eimskip komið að bjarga skipinu. Dráttarbátur er á leið til Lerstad. 

Um er að ræða flutningaskipið Hólmafoss, sem er bæði frysti- og flutningaskip.

Uppfært kl. 14:14

Skipið er komið aftur á flot og mun það leggja að bryggju í Álasundi inn­an skamms, seg­ir Edda Rut Björns­dótt­ir, fram­kvæmda­stjóri mannauðs- og sam­skipta­sviðs Eim­skipa í sam­tali við mbl.is

Sam­kvæmt upp­lýs­ing­um Eddu hafði skipið verið að færa sig milli hafna í vest­ur Nor­egi á Álasundi þegar það strandaði.

„Ekki er ljóst á þess­ari stundu hvað gerðist en það mun verða skoðað í kjöl­farið,“ seg­ir Edda.

Að sögn Eddu var farm­ur skips­ins að mestu þurr­vara og fros­inn varn­ing­ur.

Þá seg­ir hún skip­verja enn vera um borð í skip­inu og að áhöfn­in sé ekki tal­in vera í hættu.

• Blogga um frétt