Þorsteinn Már Baldvinsson forstjóri Samherja hefur beðist afsökunar fyrir hönd fyrirtækisins á háttsemi þess í Namibíu. Afsökunarbeiðnin birtist í auglýsingu Samherja í Morgunblaðinu í dag. 

„Það er eindregin afstaða mín og Samherja að engin refsiverð brot hafi verið framin í Namibíu af hálfu fyrirtækja á okkar vegum eða starfsmanna þeirra ef undan er skilin sú háttsemi sem fyrrverandi framkvæmdastjóri hefur beinlínis játað og viðurkennt. Engu að síður ber ég sem æðsti stjórnandi Samherja ábyrgð á því að hafa látið þau vinnubrögð, sem þar voru viðhöfð, viðgangast. Hefur það valdið uppnámi hjá starfsfólki okkar, vinum, fjölskyldum, samstarfsaðilum, viðskiptavinum og víðar í samfélaginu. Mér þykir mjög leitt að svo hafi farið og bið ég alla þá sem hlut eiga að máli, einlæglega afsökunar á mistökum okkar, bæði persónulega og fyrir hönd félagsins. Nú reynir á að tryggja að ekkert þessu líkt endurtaki sig, við munum sannarlega kappkosta að svo verði,“ segir Þorsteinn Már í frekari yfirlýsingu á vefsíðu Samherja. 

Í yfirlýsingunni er jafnframt farið yfir niðurstöður lögmannsstofunnar Wikborg Rein vegna málsins. 

Helstu álitaefnin í skýrslu Wikborg Rein varða samskipti um veiðiréttindi sem aflað var með samningum við namibíska ríkisfyrirtækið Fischor og við félagið Namgomar Namibia sem réð yfir aflaheimildum á grundvelli tvíhliða samninga stjórnvalda í Namibíu og Angóla.

Tengdar fréttir

Samherji í Namibíu

Kærur Þórðar Snæs og Aðalsteins endanlega felldar niður

• Fimm manns í tíu daga í Namibíu
• Aðstoða stjórnvöld í Namibíu
• Fimm manns frá héraðssaksóknara staddir í Namibíu
• Réttarhöldum í Samherjamálinu í Namibíu frestað

» Fleiri tengdar fréttir

• 3 blogg um fréttina

Bloggað um fréttina

• Freysteinn Guðmundur Jónsson: Samherji
• Helga Dögg Sverrisdóttir: Sekkur dýpra
• Jóhann Elíasson: "EKKERT REFSIVERT ÁTT SÉR STAÐ" - EN SAMT ER HANN …