Björgunarskipið Ásgrímur S. Björnsson, sem verið hefur björgunarskip höfuðborgarsvæðisins í 19 ár, var í sinni síðustu æfingaferð með Slysavarnaskólanum á föstudag og hefur skipið verið selt úr landi. Þetta kemur fram í færslu á Facebook-síðu skólans.

Í þessari síðustu æfingaferð sinni tók skipið þátt í lokaspretti grunnöryggisfræðslunámskeiðs Slysavarnaskólans, en síðasti hluti slíkra námskeiða er þyrluæfing sem skólinn og Landhelgisgæsla Íslands standa að saman. Í færslunni kemur fram að ekki séu dæmi um slíkar æfingar í öðrum löndum, en að þær séu „gríðarlega mikilvæg þjálfun fyrir verðandi sjómenn.“

Frá þyrluæfingunni á föstudag. Ljósmynd/Slysavarnaskóli sjómanna

Hafbjörg eldri sem mun taka nafn Ásgríms. Ljósmynd/Arnbjörn Eiríksson

Í stað Ásgríms S. Björnssonar, sem smíðaður var af Halmatic á Englandi árið 1978, kemur björgunarskipið Hafbjörg, sem smíðað var af sömu skipasmíðastöð árið 1997. Hafbjörg mun taka nafn þess fyrrnefnda.

Sagt var frá því 16. júní að ný Hafbjörg væri komin til heimahafnar í Neskaupstað.

Frétt af mbl.is

Ný Hafbjörg hefur margt umfram þá eldri

Tengdar fréttir

Öryggi sjófarenda

Stutt við kaup á nýju björgunarskipi

• Færa smábátasjómönnum öryggisapp að kostnaðarlausu
• Strand skemmtiferðaskips kallar á erlenda aðstoð
• Kalla þyrfti til erlent viðbragð
• Hafa þrjá mánuði til að bregðast við

» Fleiri tengdar fréttir

• Blogga um frétt