Makrílvertíðin er komin á fullt og er vinnsla hafin í fiskiðjuveri Síldarvinnslunnar í Neskaupstað. „Það tekur ávallt dálítinn tíma í upphafi vertíðar að fá allt til að virka eðlilega en nú er allt farið að ganga vel,“ er haft eftir Jóni Gunnari Sigurjónssyni, yfirverkstjóra í fiskiðjuverinu, á vef fyrirtækisins.

„Það er veruleg áta í fiskinum, hann er að éta og fitna eins og eðlilegt er á þessum árstíma. Hér er unnið á þrískiptum vöktum og það eru rúmlega 30 manns á hverri vakt. Margt af fólkinu er með góða reynslu en það eru einnig nýliðar í bland. Okkur líst vel á framhaldið, menn trúa því að þetta verði fínasta vertíð,“ segir Jón Gunnar.

Vilhelm Þorsteinsson EA lauk við að landa 1.300 tonnum aðfaranótt fimmtudags og hófst þá löndun rúmlega 1.100 tonna úr Beiti NK. Börkur NK er á veiðum í Smugunni og hafði honum tekist að ná 600 tonnum í þremur holum.

Tengdar fréttir

Makrílveiðar

Eining um heildarkvóta en ekki skiptingu

• Útbreiðsla makríls í íslenskri landhelgi ein sú minnsta
• „Veiðiárangur er oft spurning um heppni“
• „Þetta gengur mjög rólega og lítið um makríl“
• Fyrsti makríllinn úr íslenskri lögsögu

» Fleiri tengdar fréttir

• Blogga um frétt