Þorskstofninn breyttist með auknum fiskveiðum

Staða þorsks í fæðuvef við Íslandsstrendur reyndist stöðug um árabil en breyttist samhliða auknum fiskveiðum við landið í lok nítjándu aldar.

Þetta leiðir ný rannsókn vísindamanna við Rannsóknarsetur Háskóla Íslands á Vestfjörðum og samstarfsfólks í ljós. Líklegt er að þetta endurspegli bæði breytingar á aldurssamsetningu og stærð veiðistofns þorsks en einnig breytingar í fæðuvef sjávar þar sem fiskum fækkaði umtalsvert og við það styttust fæðukeðjur.

Niðurstöður rannsóknarinnar voru birtar í hinu virta tímariti Scientific Reports sem heyrir undir Nature-tímaritasamstæðuna.

Að sögn höfunda rannsóknarinnar undirstrika niðurstöður hennar að mikilvægt sé að varðveita ólíkar fargerðir þorsks við Íslandsstrendur, meðal annars til að auka þol stofnsins gagnvart umhverfisbreytingum, að því er fram kemur í umfjöllun um mál þetta í Morgunblaðinu í dag.