Nokkrar breytingar eru í farvatninu á skipastól Síldarvinnslunnar að því er kemur fram á Facebook-síðu félagsins.

Bergur ehf. í Vestmannaeyjum í eigu Síldarvinnslunnar hefur samþykkt sölu á Bergi VE-44 til Vísis í Grindavík og verður skipið afhent í ágúst. 

Selja ekki aflaheimildir

Bergur VE-44 var seldur án aflaheimilda en hefur í dag að geyma tæp 1.600 þorskígildistonn. 

Þá mun Bergur ehf. kaupa Bergey VE-144 af móðurfélagi sínu Bergi-Hugin ehf. Fram kemur í tilkynningu Síldarvinnslunnar að um sé að ræða hagræðingaraðgerðir vegna skerðinga á aflamarki á komandi fiskveiðiári. 

Þá hefur dótturfélag Síldarvinnslunnar, Runólfur Hallfreðsson ehf., gengið frá sölu á uppsjávarskipinu Bjarna Ólafssyni AK-70 til erlendrar útgerðar. 

„Salan er þó háð ákveðnum fyrirvörum af hálfu kaupenda sem munu skýrast innan mánaðar. Ef af verður mun skipið verða afhent nýjum eigendum á haustmánuðum,“ segir í tilkynningunni. 

Gamli Börkur mun hljóta nýtt nafn, Bjarni Ólafsson AK-70, og munu áhöfn hans og aflaheimildir flytjast á milli. 

Tengdar fréttir

Samdráttur í sjávarútvegi

Fyrrverandi starfsfólki „sé haldið í spennitreyju“

• Uppsagnir þungt högg fyrir samfélagið
• „Þarna eru mörg störf sem eru að tapast“
• 32 sagt upp störfum í Stykkishólmi
• Gagnrýni LS á starfsháttum Hafró vísað á bug

» Fleiri tengdar fréttir

Síldarvinnslan

Samherji tekur Birting á leigu

• Fjölnir til Noregs
• Kaup Síldarvinnslunnar ganga til baka
• Sjóvá og Síldarvinnslan áfram í samstarfi
• Samfélagsspor Síldarvinnslunnar yfir 10 milljarðar

» Fleiri tengdar fréttir

• Blogga um frétt