Fastur liður í aðdraganda kosninga eru fyrirheit og meiningar flokka um hvað gera eigi við kvótakerfið á Íslandi – uppstokkun eða ekki uppstokkun og þá hvaða leið eigi að fara við það.

Fyrirbæri eins og uppboðsleið, samningaleið, frjálsar handfæraveiðar og gjaldtökuleið hafa verið settar fram og ræddar um árabil. Nú bætist nýtt hugtak í súpuna og er hún komin frá félagasamtökunum Öldu – félagi um sjálfbærni og lýðræði. 

Leggur félagið til að svokölluð lýðræðisleið verði farin strax á næsta kjörtímabili. Þetta kemur fram í tilkynningu frá félaginu. 

Þar er leiðin útskýrð sem svo að gerð verði óháð úttekt á núverandi kvótakerfi og efnt svo til vandaðs þátttökulýðræðisferlis í kjölfarið með opnu umsagnarferli, slembivöldu borgaraþingi og þjóðaratkvæðagreiðslu. 

Þá segir í tilkynningunni að félagið hafi sent fyrirspurnir á öll framboð til Alþingis um hvort þau séu tilbúin að styðja slíkt ferli. Til stendur að birta svör sem berast á heimasíðu félagsins þann 16. ágúst. 

Áhugavert verður að fylgjast með hvort hugtakið dúkki upp á stefnuskrám einhverra flokka fyrir alþingiskosningar í haust. 

Tengdar fréttir

Fiskveiðistjórnunin

Lilja Rafney yfirgefur VG vegna svika flokksins

• Kristrún vill frekar gjöld en kerfisbreytingar
• Fáar vísbendingar um bættar strandveiðar
• Velgengnin byggð á góðri umgjörð
• Brimi úthlutað mestum kvóta

» Fleiri tengdar fréttir

Alþingiskosningar 2021

Hafa „ágætis tíma“ til úrbóta

• Spyr hvort að ekki þurfi að boða til kosninga
• Niðurstaða MDE kallar á breytingar
• Niðurstaða MDE hefur engin bein réttaráhrif
• Stjórnvöld þurfi að axla ábyrgð

» Fleiri tengdar fréttir

• Blogga um frétt