Vísbendingar eru um að Covid-19-smit sé í áhöfn Kap II VE-7.

Greint er frá þessu á heimasíðu Vinnslustöðvarinnar í Vestmannaeyjum. 

Vænst er niðurstöðu úr skimun síðar í dag eða í kvöld. 

„Skipið var að veiðum þegar grunsemdir vöknuðu um veirusmitið. Það kom til Grundarfjarðar í morgun og tekin voru sýni sem fá flýtimeðferð í rannsókn,“ segir á heimasíðu Vinnslustöðvarinnar. 

Öll áhöfnin er í sóttkví um borð. Ekki verður landað úr skipinu á meðan beðið er niðurstöðu skimunar.

„Alls átta manns í áhöfn Kap hafa einhver veikindaeinkenni en mismikil og líðan þeirra er sögð bærileg. Fimm hafa engum einkennum lýst,“ segir í tilkynningu útgerðarinnar. 

Tengdar fréttir

Kórónuveiran Covid-19

Við höfum „runnið til baka niður brekkuna“

• Grípa til aðgerða: Covid-19 breiðist hratt út
• Ekki fleiri greinst með veiruna í eitt og hálft ár
• Áslaug um fylgið: „Verðum að horfa í eigin barm“
• Covid-tilboð á hótelum um allt land

» Fleiri tengdar fréttir

• Blogga um frétt