Grandalaus forstjórinn á strandveiðum á Svampi
Setja bókamerki
Tengdar fréttir
Smábátaveiðar
Meðal þeirra sem róið hafa á strandveiðum í sumar er Vilhjálmur Vilhjálmsson, fyrrverandi forstjóri HB Granda, nú Brims hf., en þar lét Vilhjálmur af störfum í júní fyrir þremur árum eftir sex ár sem forstjóri. Hann segist taka strandveiðarnar af hæfilegri alvöru og sóknin hafi verið rólegri en hjá flestum öðrum, en að róa til fiskjar sé sannarlega skemmtilegt tómstundagaman.
Mikill munur sé á strandveiðum og stjórnunarstörfum úr forstjórastólnum; annars vegar slökun og hins vegar annir á mörg hundruð manna vinnustað.
Svampur vinsæll í fjölskyldunni
Vilhjálmur rær á báti sínum Svampi KÓ, sem er af gerðinni Sómi 870, og fékk Vilhjálmur bátinn í byrjun síðasta árs. Nafnið er að sögn Vilhjálms sótt í teiknimyndapersónuna Svamp Sveinsson, sem hann segir í uppáhaldi hjá ýmsum í fjölskyldunni.
Fyrirtækið um útgerðina ber hins vegar heitið Grandalaus ehf. og segir Vilhjálmur að það hafi blasað við eftir að hann lét af forstjórastörfum hjá HB Granda. Heitið sé algjörlega græskulaust, en ýmsir hafi gaman af því.
Landar við höfuðstöðvar Brims
Vilhjálmur er 67 ára og var töluvert á sjó í gamla daga, eins og hann orðar það, en hann er með farmannapróf eða þriðja stig frá Stýrimannaskólanum. Hann fór í 18 róðra á strandveiðum í sumar og aflinn var tæp 12 tonn, nánast eingöngu þorskur. Báturinn er skráður í Kópavogi, en gerður út frá aðstöðu Snarfara í Elliðaárvogi. Áður en Svampur er bundinn þar við bryggju þarf hins vegar að landa aflanum á fiskmarkaðinum í Reykjavík, sem er skammt frá höfuðstöðvum Brims.
„Ég segir það hreint út að ég hef alveg ofboðslega gaman af þessum veiðiskap,“ segir Vilhjálmur. „Að vera einn úti á sjó í góðu veðri er góð tilfinning og engu líkt. Þetta var annað sumarið mitt á strandveiðum og ég er smám saman að ná betri tökum á þessu sem er líka gefandi.“
Koma úr ýmsum áttum
Hann segir að í sumar hafi ekki verið mikil veiði næst höfuðborginni og því hafi þurft að fara dýpra til að fá góðan afla. Nokkrum sinnum hafi hann farið norður undir Snæfellsnes, en þá fara um fimm tímar í stím til og frá miðum. Heimilt er að vera úti í 14 tíma á strandveiðum og segist Vilhjálmur yfirleitt fara út um fimmleytið á morgnana og koma inn til löndunar ekki seinna en 18.30, en fiskmarkaðinum er lokað klukkan 19.
Þeir sem róa á strandveiðum koma úr ýmsum áttum og segir Vilhjálmur að talsvert sé um fyrrverandi skipstjóra og sjómenn.
Vill ekki fresta landsfundi
Áhrif örvandi fíkniefna meginorsök banaslyss
Stefnt að því að auka ekki útgjöld á árinu
60 þúsund byggingar taldar í hættu
„Maður er að anda að sér eignum fólks“
Hefði mjög gjarnan viljað hitta hann
Afleiðingar fjögurra ára vatnstjóns koma fram
„Fáránleg“ vegferð Trumps sýni mikilvægi Grænlands