Smit hefur komið upp hjá einum skipverja um borð í flutningaskipi Eimskipa, Dettifossi. Skipið kom til hafnar á þriðjudag í Reykjavík eftir siglingu frá Grænlandi.

Viðbragðsáætlun fyrirtækisins var virkjuð og öll áhöfn sem um borð var fór í sóttkví í landi. Skipið var þrifið og ný áhöfn tók við og hélt skipið því áfram sinni áætlun í gær.

„Það kemur upp grunur um smit, maðurinn fer síðan í próf þegar komið er í höfn og reynist vera smitaður þannig að áhöfnin sem var um borð fór bara í sóttkví, skipt var um áhöfn og skipið þrifið,“ segir Edda Rut Björnsdóttir, upplýsingafulltrúi Eimskipa, í samtali við mbl.is.

Viðbúið miðað við ástandið í dag

Edda segir það auðvitað hafa verið áfall að þetta komi upp en að miðað við ástandið í dag sé þetta viðbúið. 

„Þrátt fyrir að við gerum miklar varúðarráðstafanir í kringum þetta allt saman þá getur þetta komið upp. Við vorum með okkar viðbragðsáætlun tilbúna og gengum bara í það.“

Edda segir að mikið megi þakka starfsfólki sem lét allt ganga upp í kjölfar smitsins. 

„Við erum með ótrúlega frábært starfsfólk sem var til í að stökkva til með stuttum fyrirvara til þess að manna skipið og við erum ótrúlega þakklát fyrir það.“

Tengdar fréttir

Kórónuveiran Covid-19

Ekkert um alvarleg veikindi

• Skyldasti ættingi SARS „var í þeirra eigin ísskáp“
• Almenningur fékk ekki nægan aðgang að samningum
• Við höfum „runnið til baka niður brekkuna“
• Grípa til aðgerða: Covid-19 breiðist hratt út

» Fleiri tengdar fréttir

• Blogga um frétt