Færeyingar drápu 1.428 leiftra í Skálafirði
Setja bókamerki
Í heild tókst færeyskum hvalveiðimönnum að smala 1.428 leiftrum inn í Skálafjörð í Færeyjum í gærkvöldi. Þar var hafist handa við að drepa dýrin og úthlutaði sýslumaður aflanum í dag samkvæmt þarlendri hefð, að því er fram kemur í umfjöllum Kringvarpsins.
Oftast snýr veiðin að grindhvölum en einnig er þekkt að Færeyingar hafi veitt leiftra sem er smærri hvalur. Í kjölfar höfrungadrápsins í Skálafirði í gær er nú mikið deilt um tilhögun veiðanna þar sem smáhvölunum var smalað langa leið og fullyrt að drápin í fjörunni hafi ekki gengið sem skyldi. Grindhvalaveiðimenn segja hins vegar veiðina hafa gengið vel, vandinn hafi hins vegar falist í að töluverður mannfjöldi sem ekki var að veiðum hafi verið á ströndinni sem smala átti hvalina á.
Hans Jacob Hermansen, fyrrverandi formaður í Grindamannafelagnum (félagi grindhvalaveiðimanna), segir framkvæmd veiðarinnar í gærkvöldi hafi eyðilagt þann árangur sem hefur náðst á undanförnum árum og fært andstæðingum veiðanna öll spil á hendi. Þá hefur atvikið verið kært til lögreglunnar, en lögreglan upplýsir að sá er kærði var ekki viðstaddur er leiftrarnir voru drepnir í Skálafirði. En ekki er ljóst hvort nokkuð ólöglegt hafi átt sér stað.
Í áraraðir hefur verið deilt um hvalveiðarnar þar sem sumum þykja þær skaða ímynd Færeyja. Nú hefur farið af stað umræða um hvort banna skuli veiðar á leiftrum.
Jacob Vestergaard, sjávarútvegsráðherra Færeyja, sagði í útvarpi Kringvarpsins í dag að ekkert benti til þess að tilefni væri til að breyta gildandi reglugerðum um tilhögun veiðanna. „Því sem mér kemst næst var hver einasta leiftur aflífuð á viðeigandi hátt,“ sagði hann. Þá telur ráðherrann ástæðu til að tryggja að Skálafjörður verði endanlega samþykktur sem hvalveiðisvæði.
Ráðin til að rýna í rekstur skólans
Borgarstjóri LA virti blaðamenn að vettugi
Gular viðvaranir víða um land
Sjö fluttir á sjúkrahús
Óásættanlega langur tími
Afleiðingar fjögurra ára vatnstjóns koma fram
Hóflega bjartsýn á að samningar náist
Trump sekur án refsingar