Allir skipverjar á Dettifossi aftur frískir
Setja bókamerki
Allir í áhöfn m/s Dettifoss eru lausir úr sóttkví og komnir aftur til starfa, eftir að Covid-smit greindist hjá einum skipverja nú í byrjun mánaðarins. Vegna þess voru allir sem um borð voru settir í sóttkví eftir að skipið kom til landsins og ný áhöfn tók við. Áður hafði skipið verið þrifið og aðrar ráðstafanir gerðar.
„Viðbrögðin við smitinu voru samkvæmt áætlunum sem fyrir lágu. Aðeins einn sjómaður varð veikur, aðrir fóru í sóttkví og reyndust svo ekki smitaðir. Þetta fór því allt eins og best varð á kosið. Áhöfnin er laus úr sóttkví og á leið um borð í vikunni,“ segir Edda Rut Björnsdóttir, framkvæmdastjóri mannauðs- og samskiptasviðs Eimskips.
Dettifoss, sem er systurskip Brúarfoss, kom nýtt inn í flota Eimskips á síðasta ári. Skipin tvö eru 180 metra löng, 31 metra breið og geta borið alls 2.150 gámaeiningar.
Dettifoss er á svonefndri Rauðri leið hjá Eimskip – og siglir skv. þeirri áætlun út frá Reykjavík til Nuuk á Grænlandi, Þórshafnar í Færeyjum og hafna á Norðurlöndunum. Skipið er nú á heimleið úr Norðurlandasiglingu og kemur inn til Reykjavíkur úr þeirri för í dag.
Veitti fá svör um banatilræðið við Trump
Segir aðferðafræði Seðlabankans ekki að virka
Myndskeið: Krítverjarnir verði ákærðir fyrir manndrápstilraun
Ættum frekar að endurbæta samræmdu prófin
Túlkar að verið sé að gera gys að þjóðinni
Segir af sér vegna tilræðisins
Lögin leyfi fólki ekki að flýja sögu sína