Nýr þjarkur var tekinn í notkun í síðustu viku í pökkunarhluta landvinnslu Fisk Seafood á Sauðárkróki. Þjarkurinn, sem er af gerðinni Bila Flex, notar sogskálar til að lyfta kössum og mun raða kössum með lokaafurð á bretti, setja hornalista á kassastæður og plasta þær.

„Róbótinn er kærkomin viðbót í tæknivæðinguna hjá okkur. Helsta verkefni hans er að raða 11 kílóa kössum á bretti í tólf hæðir auk þess að leggja millispjöld á milli raða. Hann sendir svo brettið í vafningsvél sem vefur brettið með strekkifilmu ásamt því að setja á það styrktarhorn. Uppsetningin og fyrstu dagarnir hafa gengið mjög vel,“ segir Ásmundur Baldvinsson, yfirmaður landvinnslu á Sauðárkróki, í færslu á vef útgerðarinnar.

Frétt af mbl.is

Boðar miklar fjárfestingar

Tengdar fréttir

FISK Seafood

Samfélagssporið jókst um 20% milli ára

• Höfnin stendur samkeppnishæfni fyrir þrifum
• Kaupa 100 tonna kvóta af Saltveri
• 300 milljóna króna afla landað á Sauðárkróki
• Ný ytri höfn forsenda uppbyggingar

» Fleiri tengdar fréttir

• Blogga um frétt