Fjárfestingar leiddu til minni losunar

Fjár­fest­ing­ar sjáv­ar­út­vegs­fyr­ir­tækja hafa á und­an­förn­um árum leitt til þess að los­un grein­ar­inn­ar hef­ur dreg­ist sam­an svo um mun­ar. Fjár­fest­ing­arn­ar hafa verið í nýj­um spar­neytn­ari skip­um og vinnsl­um sem eru bún­ar há­tækni­vél­um.

„Þess­ar fjár­fest­ing­ar eru nauðsyn­leg­ar og hafa verið ráðandi þátt­ur í að tryggja sam­keppn­is­hæfni grein­ar­inn­ar í alþjóðlegri sam­keppni, stuðlað að auk­inni verðmæta­sköp­un og treyst áfram­hald­andi at­vinnu hér á landi. Árang­ur fyr­ir­tækj­anna við að minnka kol­efn­is­sporið er þó einn veiga­mesti ábat­inn sem feng­ist hef­ur með auk­inni fjár­fest­ingu,“ seg­ir í grein­ingu sem birt hef­ur verið á Radarn­um.

Mynd/​Radar­inn

Heilt yfir hef­ur orðið sam­drátt­ur­inn í los­un vegna mat­væla­fram­leiðslu en lang­mesta sam­drátt­inn má rekja til minni ol­íu­notk­un­ar í sjáv­ar­út­vegi.

„Í raun hef­ur sjáv­ar­út­vegi tek­ist að draga all­veru­lega úr ol­íu­notk­un án þess að það komi niður á fram­leiðslu og gott bet­ur. Það er afar ákjós­an­leg þróun og sjald­séð því vana­lega eykst ol­íu­notk­un og kol­efn­is­sporið stækk­ar þegar um­svif ein­staka at­vinnu­greina aukast. Þetta má rekja til fjár­fest­inga í nýj­um skip­um, sem eru búin nýrri tækni og eru spar­neytn­ari en þau sem eldri eru. Eins hafa fram­far­ir í veiðum, betra skipu­lag á veiðum og fækk­un skipa dregið úr ol­íu­notk­un,“ seg­ir í grein­ing­unni.

Frétt af mbl.is

„Maður vill auðvitað alltaf gera bet­ur“

Frétt af mbl.is

55% minni los­un frá sjáv­ar­út­vegi og mat­vælaiðnaði

Full­yrt er að ár­ang­ur­inn megi rekja til fisk­veiðistjórn­un­ar­kerf­is­ins sem skap­ar hagræna hvata og stuðlar að lang­tíma­hugs­un.

Er kerfið sagt auðvelda fyr­ir­tækj­um að „ráðast í lang­tíma­fjár­fest­ing­ar og að skipu­leggja starf­sem­ina með lang­tíma hags­muni að leiðarljósi. Það er nefni­lega svo að óvissa er meiri í sjáv­ar­út­vegi en geng­ur og ger­ist í mörg­um öðrum geir­um at­vinnu­lífs­ins. Sveifl­ur í stærð fiski­stofna eru einn stærsti óvissuþátt­ur­inn sem sjáv­ar­út­vegs­fyr­ir­tæki þurfa að glíma við um­fram aðrar at­vinnu­grein­ar. Nær­tæk­ast er þar að nefna loðnu­brest tvö ár í röð, 2019 og 2020.“

Frétt af mbl.is

Sjó­leiðin er kom­in til að vera

• Blogga um frétt