„Kosningarnar á laugardag skera úr um hvort við fáum ríkisstjórn sem þorir að fara í nauðsynlegar kerfisbreytingar,“ skrifar Hanna Katrín Friðriksson, þingmaður Viðreisnar og oddviti í Reykjavíkurkjördæmi suður, um fiskveiðistjórnunarkerfið í aðsendri grein í Morgunblaðinu í dag.

„Markmið breytinganna er ekki síst sanngjarnari skipting á tekjum sjávarauðlindarinnar milli stórútgerðar og þjóðarinnar,“ fullyrðir hún og segir ríkisstjórnarflokkana vinna markvisst gegn vilja meirihluta landsmanna.

Hanna Katrín kveðst þó ekki vilja kollsteypa kerfinu heldur segir leið Viðreisnar betri kost og vísar til þess að flokkurinn boðar uppboð veiðiheimilda. Þetta segir hún vera liður í að „treysta markaðnum til að ákveða verðmæti auðlindarinnar.“

„Þeir sem verja núverandi fyrirkomulag við greiðslu fyrir nýtingu á sjávarauðlindinni gera það gegn allri skynsemi, gegn allri sanngirni – og gegn vilja yfirgnæfandi meirihluta þjóðarinnar. Þessu ætlum við í Viðreisn að breyta,“ skrifar hún.

Hægt er að lesa greinina í Morgunblaðinu eða hér.

Tengdar fréttir

Fiskveiðistjórnunin

„Ég er á margan hátt nokkuð bjartsýnn“

• Dregur í efa sjálfbærni sjávarútvegsins
• Binda enda á 63 ára útgerðarsögu
• Hvert kíló skilar Íslendingum mun meira
• Lítil samþjöppun aflaheimilda

» Fleiri tengdar fréttir

Alþingiskosningar 2021

Hafa „ágætis tíma“ til úrbóta

• Spyr hvort að ekki þurfi að boða til kosninga
• Niðurstaða MDE kallar á breytingar
• Niðurstaða MDE hefur engin bein réttaráhrif
• Stjórnvöld þurfi að axla ábyrgð

» Fleiri tengdar fréttir