Leggja til minni kvóta í síld, makríl og kolmunna
Setja bókamerki
Í ráðgjöf Alþjóðahafrannsóknaráðsins (ICES) sem veitt var í dag um aflamark uppsjávarstofna fyrir 2022 er gert ráð fyrir 7-19% samdrætti í afla á norsk-íslenskri síld, makríl og kolmunna, ef miðað er við ráðgjöf fyrir árið 2021.
Þetta kemur fram á vef Hafrannsóknarstofnunar.
Í samræmi við samþykkta aflareglu strandríkja leggur ICES til að afli norsks-íslenskrar vorgotssíldar nái ekki umfram 599 þúsund tonn á næsta ári. Er því gert ráð fyrir 52 þúsund tonnum minna en fyrir árið 2021, sem gerir um 9% lækkun.
Í samræmi við nýtingarstefnu leggur ICES til að afli makríls nái ekki umfram 795 þúsund tonn á næsta ári. Er það 57 þúsundum tonnum minna en fyrir þetta ár, eða um 7% lækkun.
Í samræmi við langtímanýtingarstefnu leggur ICES til að afli kolmunna nái ekki umfram 753 þúsund tonn, sem er 176 þúsund tonnum minna en fyrir þetta ár og því um 19% lækkun að ræða. Ástæðan á þessum samdrætti má rekja til lélegrar nýliðunar á hrygningarstofninum á tímabilinu 2017-2019. Nýliðun á þessu og síðasta ári hefur þó tekið við sér og er því gert ráð fyrir aukningu á stofninum árið 2023.
Afli langt umfram ráðgjöf
Ekkert samkomulag er í gildi milli þeirra þjóða sem stunda veiðar úr framangreindum stofnum um skiptingu aflahlutdeildar. Hefur því hver þjóð sett sér aflamark. Ráðgjöf ICES hefur því takmarkað að segja um raunverulegan afla en áætlaður heildarafli ársins 2021 fyrir norsk-íslenska síld, makríl og kolmunna, fer 34-41% umfram ráðgjöf ICES.
Hafa veiðar á norsk-íslenska síldarstofninum frá árinu 2013 verið 4-42% umfram ráðgjöf ICES. Frá 2014 hafa veiðar á kolmunnastofninum verið 16-66% umfram ráðgjöf ICES. Þá er áætlað að heildarafli ársins 2021 á makríl fari 1,2 milljónum tonna umfram ráðgjöf, sem gera 41%.
Unnu eftir kröfugerð sem lögð var fram í upphafi
Greiningarmiðstöð hluti af 13 landamæraaðgerðum
Óvissustig á mörgum vegum
Hálfgerð martröð fyrir kosningastjóra
Mjög dýrt að tryggja landamærin
Fresta framkvæmdum við Landspítala
